Bifreiðaskoðunþegar þérhentar

Skoðunarmánuður ökutækis ræðst af síðasta tölustaf skráningarnúmersins — til dæmis fer bíll með endastafinn 1 í skoðun í janúar, 2 í febrúar og svo framvegis (0 = október).
Þú mátt koma með ökutækið í skoðun allt að 6 mánuðum fyrir skoðunarmánuð, að því gefnu að skoðunin fari fram innan sama almanaksárs. Einnig hefur þú tvo mánuði til viðbótar eftir skoðunarmánuð til að mæta í skoðun án þess að vanrækslugjald leggist á. Ekki þarf að panta tíma hjá Aðalskoðun.
Þú getur séð skoðunarmánuð ökutækja þinna á Mínum síðum á island.is.

Ný ökutæki fara fyrst í skoðun fjórum árum eftir skráningarskoðun, síðan á tveggja ára fresti og loks árlega eftir aldri bílsins. Skoðunartíminn miðast við ártalið á skoðunarmiðanum og síðasta tölustaf skráningarnúmersins.

Aðalskoðun á fólksbíl kostar 18.490 kr. Verð fyrir önnur ökutæki — t.d. sendibíla, húsbíla og bifhjól — má sjá í verðskrá.

Nei. Á höfuðborgarsvæðinu, Reykjanesi og Selfossi er opið alla virka daga kl. 8–16 og engin tímabókun nauðsynleg. Á landsbyggðinni eru skoðanir ákveðna daga í mánuði og þar þarf að bóka fyrir fram.

Í bifreiðaskoðun er öryggi og ástand ökutækis yfirfarið — meðal annars ljósabúnaður, hemlar, stýri, fjöðrun, dekk, undirvagn og útblástur. Einnig er mengun mæld og öryggisbúnaður á borð við belti og hurðir skoðaður. Skoðunin miðast alltaf við ástand bílsins á skoðunardegi.

Endurskoðun er veitt þegar skoðun leiðir í ljós atriði sem uppfylla ekki öryggis- eða ástandskröfur. Þá þarf að laga atriðin og mæta aftur í skoðun innan tilskilins frests.

Algengustu ástæður endurskoðunar:

• slitnar eða ójafnar bremsur
• slit í stýri eða fjöðrun
• skemmd dekk
• gallar í ljósum eða rafbúnaði
• ryð eða skemmdir í undirvagni
• ótryggar festingar

Ökutækið fær frest til loka næsta mánaðar til að lagfæra þau atriði sem sett var út á og mæta í endurskoðun, þar sem eingöngu er farið yfir þau atriði sem áður var sett út á. Þegar þau standast fær ökutækið fulla skoðun.

Fresturinn er til loka næsta mánaðar eftir upphaflegu skoðunina — t.d. gefst tími fram í mars ef skoðunin var í febrúar. Innan þess tíma þarf að laga þau atriði sem sett var út á og mæta í endurskoðun.

Nei, skoðun þarf að fara fram í þeim mánuði sem síðasti tölustafur bílnúmersins vísar til, með tveggja mánaða viðbótarfresti áður en vanrækslugjald leggst á. Hægt er að komast hjá gjaldinu með því að skrá bílinn tímabundið úr umferð.

Já. Sé fresturinn á endurskoðun að renna út má senda tölvupóst á adalskodun@adalskodun.is með fastanúmeri ökutækis og óska eftir framlengingu. Þá er veittur frestur til loka næsta mánaðar.